Наша кампанія распрацавала унікальны прадукт - дадатак LookOutMyWindow. Гэта сэрвіс, які дазваляе карыстальнікам з розных куткоў зямнога шара дзяліцца відамі са свайго акна. Зараз словазлучэнне “убачыць свет чужымі вачамі” набыло новы сэнс. Бо сёння кожны жадаючы можа ўсталяваць прыкладанне, адсканаваць месца, дзе ён хацеў бы бачыць акно, а дадатак рандомна «прапануе» новы від з акна. Больш за тое, у дадатку вы будзеце не проста бачыць дынамічную карцінку, але і чуць рэальныя гукі той мясцовасці, куды вы «адправіцеся». Вы можаце пдзяліцца сваім новым відам з акна праз мэсэнджэры.
24 лютага у Дзяржаўнай установе адукацыі "Сярэдняя школа №4" г. Баранавічы прайшоў семінар настаўнікаў інфарматыкі. Настаўнікі інфарматыкі ўсіх школ раёну у гэты дзень сабраліся для знаёмства з тэхналогіяй "Дапоўненая рэальнасць" і магчымасцямі яе ўжывання ў навучальным працэсе. Лекцыю аб дапоўненай рэальнасці правёў дырэктар кампаніі AR.TEAM - Канстанцін Пятрашка.
Акрамя знаёмства з дапоўненай рэальнасцю настаўнікі таксама даведаліся як ствараць кантэнт дапоўненай рэальнасці і асноўныя этапы стварэння мабільных прыкладанняў. Усе прысутныя атрымалі практычны вопыт ўзаемадзеяння з прыкладаннямі дапоўненай рэальнасці і віртуальнымі 3D-мадэлямі. Настаўнікі змаглі задаць спікерам пытанні па тэме семінара і атрымаць вычарпальныя адказы. Абмеркаванне пытанняў праходзіла ў форме дыскусіі. Скончыўся семінар размовай настаўнікаў з супрацоўнікамі кампаніі AR.TEAM.
Кампанія AR.TEAM распрацавала дадатак дапоўненай рэальнасці ASTAR4D для серыі дзіцячых энцыклапедый. Серыя ўключае 22 кнігі. Вось толькі некаторыя з іх: Космас, Чалавек, Тэхніка, Навуковыя досведы і эксперыменты, Жывы свет, Планета Зямля, Анатомія і фізіялогія чалавека... У серыі кніг ажываюць 180 3D-мадэляў. Кожны карыстальнік, купіўшы кнігу, запампаваўшы прыкладанне і навеўшы камеру мабільнага тэлефона на старонку са спецыяльным значком, ўбачыць ажыўшыя мадэлі і азнаёміцца з дадатковай інфармацыяй, што ідэальна дапаўняе матэрыял, выкладзены ў кожнай энцыклапедыі. Такім чынам дзеці могуць ўзаемадзейнічаць з кнігай, што павялічвае цікавасць, а значыць і ўцягнутасць дзіцяці ў працэс пазнання свету.
З 12 па 14 лютага 2020 года у Мінску прайшла штогадовая выстава «Мемарыял. Камнеапрацоўка». Менавіта тут адбылася першая публічная прэзентацыя праекту «Манументарыум» (Monumentarium). Гэты праект распрацаваны і рэалізаваны кампаніяй AR.TEAM. «Манументарыум» - гэта платформа для мабільных тэлефонаў і планшэтаў, якая дазваляе адлюстроўваць і канфігураваць помнікі ў AR (дапоўненай рэальнасці). Ніколі яшчэ працэс выбару помніка не быў такім простым. Дзякуючы гэтаму з дадатку можна падабраць помнік з каталога, дадаць інфармацыю пра памерлага (прозвішча, імя і гады жыцця) і яго фота, выбраць эпітафію. Пасля чаго можна змяніць матэрыял, з якога будзе выраблены помнік і падкарактаваць яго форму, а таксама дадаць ці прыбраць аксэсуары. І ўсё гэта ў рэжыме рэальнага часу. Такім чынам за лічаныя хвіліны чалавек бачыць помнік у яго рэальным памеры. Больш за тое, дадзенае прыкладанне дазваляе "абыйсці" вакол помніка або паглядзець, як ён будзе выглядаць побач з ужо існуючымі могілкамі. Таксама ў дадатку рэалізавана функцыя захавання фатаграфіі сканфігураванага помніка і магчымасць падзяліцца гэтым фота праз мессенджеры.
Вывучаць прыроду яшчэ ніколі не было так цікава. "Белкартаграфія" выпусціла карту-пазл на драўлянай аснове — "Жывёльны і раслінны свет Беларусі". Асаблівасцю дадзенай карты з'яўляецца не матэрыял, з якога яна зроблена, не форма падачы матэрыялу — пазл з 29 элементаў, а ажываючыя на ёй 3D-мадэлі. Дастаткова спампаваць мабільны дадатак "Белкартаграфія", а пасля навесці камеру смартфона на карту. І вось мы ўжо бачым бусла, гатовага ўзляцець да блакітных нябёсаў, пагладзіць велічнага аленя і захапіцца сілай бурага мядзведзя. Усё гэта стала магчымым дзякуючы сумеснай працы супрацоўнікаў РУП "Белкартаграфія" і супрацоўнікам кампаніі AR.TEAM, якія адказвалі за тэхнічныя пытанні. Таксама 3D-мадэлі ў дапоўненай рэальнасці магчыма ўбачыць яшчэ ў адным выданні — атласе "Вялікія вынаходкі свету". У ім напрыклад ажывае айчынны БелАЗ, англійскі паравоз і італьянская скрыпка.
19-20 кастрычніка 2019 года кампанія AR.TEAM прыняла ўдзел у першым міжнародным гістарычным хакатоне # Hack4history, які прайшоў у Мінскім міжнародным адукацыйным цэнтры імя Ёханэса Рау. Удзельнікамі хакатона сталі 14 каманд з 4 краін — Беларусі, Расіі, Украіны і Германіі. У склад каманд уваходзілі выкладчыкі, гісторыкі, музейныя работнікі, праграмісты, дызайнеры, маркетолагі і прадстаўнікі профільных НКА. Дапамагалі ўдзельнікам ментары з розных сфер. За 48 гадзін удзельнікі падрыхтавалі і перадалі членам журы разнастайныя праекты, кожны з якіх быў звязаны з тэматыкай Другой сусветнай вайны. Кампанія AR.TEAM сумесна з гістарычным кансультантам Аляксандрам распрацавалі прататып платформы (мабільнае прыкладанне) для стварэння інтэрактыўных экскурсій і гідаў. Быў створаны інтэрактыўны гід на аснове гісторыі аднаго з карнікаў лагера Трасцянец. Дзякуючы дадаткам карыстальнік можа акунуцца ў гістарычны кантэкст: сустрэцца з гістарычным персанажам, паразмаўляць з ім, прасачыць яго жыццёвы шлях і нават дапамагчы зрабіць нялёгкі маральны выбар — выдаць партызан або загубіць жыхароў цэлай вёскі. Для рэалізацыі праекта камандай AR.TEAM была падрыхтавана фабула і напісаны тэксты на аснове гістарычных дадзеных, знята відэа з персанажам на фоне рэальных гістарычных месцаў — лагеры смерці Трасцянец. Усё гэта магчыма дзякуючы тэхналогіі дапоўненай рэальнасці. На прыкладзе дадзенага прыкладання было паказана як ствараць кантэнт і як атрымаць вынік за кароткі прамежак часу (48 гадзін). Дадзенае прыкладанне мае вялікія магчымасці. Яно зацікавіць музейных працаўнікоў, настаўнікаў гісторыі і ўсіх, хто цікавяцца гісторыяй.
4-6 кастрычніка ў Брэсце прайшоў IV Нацыянальны форум "Музеі Беларусі". Спецыяльны дыплом журы ў намінацыі "За навацыі ў музейнай дзейнасці" быў прысуджаны сумеснай распрацоўцы кампаніі AR.TEAM і Кобрынскага ваенна-гістарычнага музея імя А. В. Суворава. На суд журы была прадстаўлена аплікацыя «Ажыўшы мундзір». Мабільны дадатак выкарыстоўвае тэхналогію дапоўненай рэальнасці. Дастаткова навесці камеру смартфона на падлогу і перад карыстальнікам ажыве рэальны гістарычны персанаж, апрануты ў касцюм абранай эпохі. Зайшоўшы ў кадр, з персанажам можна сфатаграфавацца і нават зняць відэа.
23-24 сакавіка 2019 года ў г. Мінску адукацыйны хакатон EduTHON аб'яднаў усіх тых, хто неабыякава ставіцца да пытанняў сучаснай адукацыі. За гэтыя два дні настаўнікамі і распрацоўшчыкамі з розных гарадоў Беларусі былі створаны каманды, распрацаваны і прадстаўлены на суд журы праекты, якія прадстаўляюць інтарэс для вучняў і настаўнікаў. Журы высока ацаніла сумесны праект кампаніі AR.TEAM і настаўнікаў матэматыкі. За кароткі прамежак часу было створана прыкладанне дапоўненай рэальнасці, якое дапамагае настаўнікам ствараць кантэнт-візуалізацыю для вырашэння задач па стэрэаметрыі. Асноўным адрозненнем створанага прыкладання ад ужо існуючых, з'яўляецца тое, што прыкладанне з'яўляецца інструментам, дзякуючы якому настаўнік за некалькі хвілін стварае 3D-мадэль, а школьнікі бачаць аб'ёмную фігуру. Такім чынам вучні могуць лёгка прадставіць неабходную мадэль.
Прыкладанне “Стэрыаметрыя” дапамагло атрымаць перамогу ў намінацыі «Навыкі 21 стагоддзя".
Дадатак Rastishka, распрацаванае нашай кампаніяй у супрацоўніцтве з Danone Ukraine і агенцтвам Carat Ukraine, атрымала бронзавую узнагароду на Effie 2018 Ukraine (новыя тэхналогіі і медыя інавацыі).
Мы стварылі мабільнае прыкладанне з тэхналогіяй дапоўненай рэальнасці, якая дазваляе ажыўляць прадметы намаляваныя на прома аб'ектах ёгурта Rastishka. Купляючы Rastishka можна сабраць сонечную сістэму, вывучыць свет марскіх жывёл або вясёлую азбуку разам з дыназаўрамі. Нам удалося аб'яднаць прадукт, тэхналогію і місію брэнда ў адным рашэнні - мабільным дадатку. Гэта дазволіла вырасціць долю рынку брэнда, абараніць пазіцыі перад канкурэнтамі, палепшыць паказчыкі брэнда і пабудаваць базу з 350 тыс пастаянных карыстальнікаў прыкладання.
31 сакавіка мы правялі прэзентацыю нашых прыкладанняў з Дапоўненай рэальнасцю ў Цэнтральнай дзіцячай бібліятэкі г. Мінска імя М. Астроўскага. Пад час прэзентацыі мы змаглі назіраць узровень цікавасці падрастаючага "Пакалення Z" да нашых IT-прадуктаў. Дзеці праявілі вялікую цікавасць да мабільнай аплікацыі ASTAR якую мы распрацавалі для серыі дзіцячых інтэрактыўных энцыклапедый. Пэўную цікавасць дзеці таксама праявілі да аплікацыі “Непаседа +”, якая працуе з аднайменным дзіцячым часопісам. Хлопчыкам больш за ўсё спадабалася знаёміцца з ваеннай тэхнікай, у той час як дзяўчынкі аддалі перавагу ажываючым размалёўкам у Дапоўненай рэальнасці. Асаблівасцю такіх размалёвак з’яўляецца тое, што ажываючыя 3D-персанажы з’яўляюцца перад гледачом акурат у тых колерах якімі яны былі размаляваны на паперы.
Наша кампанія правяла першы адукацыйны дзіцячы хакатон па дапоўненай рэальнасці «Make YourSelf – create your own reality», які прайшоў ў межах адукацыйных праектаў Make YourSelf і Беларускага Парка Высокіх Тэхналогій. Ўдзельнікамі хакатона сталі вучні 8-11 класаў з адукацыйных устаноў Мінска, Барысава, Рагачова і Гомеля. Пад кіраўніцтвам спецыялістаў нашай кампаніі падлеткі здолелі распрацаваць свой ўласны віртуальны кантэнт, уключаючы ўласныя 3D-мадэлі. Больш за тое, дзеці распрацавалі сваю ўласную мабільны дадатак дапоўненай рэальнасці, прызначаную для працы са школьнымі падручнікамі. Ўсяго за чатыры гадзіны інтэнсіўнай працы вучні атрымалі унікальны досвед комплекснай распрацоўкі ў сферы дапоўненай рэальнасці.
Газета Камсамольская праўда напісала артыкул пра прыкладанне дапоўненай рэальнасці «Непоседа + Жевжик». Кожныя два тыдні для гэтага прыкладання мы ствараем новы ўнікальны кантэнт з аніміраванымі 3D-мадэлямі, 3D-размалёўкамі, маляўнічымі жывымі сцэнамі і многім іншым. Гэта выдатны прадукт поўны жыцця і радасці.
Аніміраваныя кнігі ў Нацыянальнай бібліятэцы. Наша кампанія распрацавала аплікацыю ASTAR для серыі дзіцячых энцыклапедый. Сёння Нацыянальная бібліятэка Беларусі адкрыла экскурсію ў якой дзеці могуць ўзаемадзейнічаць з кнігамі. Серыя ASTAR уключае 8 энцыклапедый: Космас, Падводны свет, Тэхніка, Планета Зямля, Ваенная тэхніка, Дыназаўры, Танкі, Жывёлы.
Чытаць больш на ADU.BY
50 аплікацый створаных беларусамі. Наша аплікацыя пра надвор’е MeteoDress патрапіла ў топ 50 аплікацый створаных беларусамі па версіі партала dev.by. MeteoDress – гэта аплікацыя створаная намі ў пачатку 2015. Яна дапамагае карыстальнікам апранацца па надвор’ю. Лепшая аплікацыя пра надвор’е якая паказвае што можна насіць у пэўны час у любым месцы зямнога шара.
Нам было вельмі прыемна сустрэцца з прафесіяналамі і падумаць пра шматлікія цікавыя новыя магчымасці таго, як новыя тэхналогіі змяняюць свет у нашы дні. EX3Labs і BundlAR прадэманстравалі аплікацыю дапоўненай рэальнасці для часопісаў Cushman & Wakefield's Occupier Edge. Нашу каманду AR.Team прадстаўлялі Люба Храмова і Раман Елізараў. Люба правяла кароткую прэзентацыю каляднай паштоўкі з Санта Клаўсам, а таксама вопратку Эмілі Райз з дапоўненай рэальнасцю.
У нядзелю, 21 траўня, ў в. Лядна адбылося святочнае адкрыццё праваслаўнай царквы ў гонар святога Мікалая Цудатворца. Ў святкаванні прынялі ўдзел жыхары аграгарадка і бліжэйшых вёсак. У гэты дзень для дзяцей была арганізавана мабільная пляцоўка з бясплатнымі майстар-класамі, конкурсамі і гульнямі, а таксама магчымасць паспрабаваць смачную кашу і выпіць гарачай духмянай гарбаты. Наша каманда таксама прыняла ўдзел у свяце. Многія хлопчыкі і дзяўчынкі атрымалі вялікае задавальненне паспрабаваўшы акуляры віртуальнай рэальнасці ў першы раз!
Наша каманда з вялікім энтузіязмам прыняла ўдзел у выставе Roboticon 2017 у Мінску. Асабліва на нас уразілі робаты-маніпулятары. Ў сувязі з такім прагрэсам, неўзабаве робаты ўжо хутка змогуць пачаць распрацоўку аплікацый дапоўненай рэальнасці.
